قصيدة للشاعر كريدي بن قشعم الشمري


قصيدة للشاعر كريدي بن قشعم الشمري


قصائد لشعراء معاصرين مسنده على عبدالله بن دهيمش بن عبار


وهذه القصيدة من شعر الشاعر كريدي بن قشعم الشمري يسند على عبد الله بن دهيمش بن عبار العنزي :

يا راكب من عندنا فوق سهواج = سهواج يسرع بالسرى كان ماجي
ملفاك أبن عبار كان أنت محتاج = به ذارب يذبح سمين النعاجي
ما هو من اللي بالمعاييب هراج = قرايضه ما قالهن كل راجي
ربعه يفوجون الفرنجي إلى هاج = لا صار عند المكرمات ارتجاجي
ضد العديم اللي على الناس ينعاج = يقدون من صابه عليهم عواجي
أنتم بحر ماخضخضه كثر الأمواج = لا جاكم المظيوم شاف الفراجي
أقسمت بالمعبود زراع الأمراج = ما قلتها نفقه ولاني مراجي
ربعك يا أبن عبار يخلون الأسراج = يوم الذي لهم على الناس باجي
أشهد بها ما بين جالي ووداج = شهادة ما ينطفي به اسراجي
لا ركبوا الطوعات وأدلوا بالادلاج = أدناهم اللي للجماجم حلاجي
لا ركبوا الويلان وأبدوا بالأرواج = عيوا على الشيمات يوم الرواجي
أبي أنشد الفهيم عالين الأدراج = وين الذي يطلع مزاجي بزاجي
وأنت الذي ما سرت مع كل هلباج = تصعد على روس الطوال البراجي
وصلوا على اللي بالسموات عراج = المصطفى تتليه كل الفواجي


.
جميع الحقوق محفوظة © 2016 الراوي – سالفة وقصيد.