قصيدة للشاعر ماضي بن صبر النومسي


قصيدة للشاعر ماضي بن صبر النومسي


قصائد لشعراء معاصرين مسنده على عبدالله بن دهيمش بن عبار


وقال الشيخ الشاعر ماضي بن صبر النومسي هذه القصيدة يسند على عبد الله بن دهيمش بن عبار يقول :

سميت بسم الله حلال بالأنشاب = مد الوطأ وارسى الجبال المراقيب
رب العباد اللي تذل أله الأرقاب = منجي خليبله من شديد اللواهيب
الواحد اللي من ترجاه ما خاب = سبحان ربي يعلم السر و الغيب
ثم اشكر اللي ولف كتاب الأنساب = اللي ينقحها عن الشك و الريب
اللي محى و القا عمل كل كذاب = أطفا شموع أهل الخطأ و التلاعيب
وأعما عيون اللي تعرض للصحاب = وأركا على كبد المعادي مشاهيب
وأضرم ضريم ما تطفيه الأشياب = بصدور ناس ما تورع عن العيب
ناس تبي العليا وهي روسها أذناب = عبدالله أدبها عن اللعب تأديب
أبن دهيمش ما تنكر ولا هاب = يضرب بكفٍ له تلين المصاليب
كف حديدي ضربته ترهب أرهاب = تخشاه فرسان القصيد المطاليب
له وقفة جزله بعضات الأنياب = عبدالله العبار راعي المواجيب
الوايلي عز الجماعه والأقراب = من لابة الفدعان عالي المجاذيب
هذا ومثله لا غرابه إلى طاب = من مركزٍساسه تأسس على الطيب
مركز سعد غاية طلب كل طلاب = طلاب للعليا وعذب المشاريب
أهل الحضاره والأعاجم والأعراب = تشهد بما أقوله شبابه مع الشيب
تشهد لقوم باللقا ترعب أرعاب = منها كبار القوم هم والمناصيب
رغم الأنوف وكل حاسد ونصاب = حنا أهل العليا فعول ومواهيب
بأفعالنا حزنا على التاج والكاب = نكسب ولا فينا لقوم مكاسيب
فضل من المولى لسبب له أسباب = مصاب مايخطي ومخطا فلا يصيب
أقولها وأترك مفاتيح الأبواب = للي يبي صدره هدف للمضاريب
علماً تناديبه على راس مرقاب = حنا لها يا هجرس الذيب للذيب
حنا لها وأن صاح نادب لنداب = طبعٍ لنا قدام جساس وكليب
نكشف ورقها كان عقل الردي غاب = التايه اللي تاه عن سكة السيب
وأقر السّير وأسأل حكيمين الألباب = اللي تفيدك لا تقلب تقاليب
حقايق ما يجحده غير لعّاب = نحط بعيون المعادي مخاليب
هذي عوايدنا على مر الأحقاب = مهما تطول أيامها والدواليب
وش همنا من كل ناعق ونعاب = أهل العلوم الخايبه والسعابيب
اللي إلى شب الوغا كل شباب = تأخذ مواقفها بوسط السراديب
هذا كلامي يوم حبر القلم ذاب = أقولها وأركب القاف تركيب
من الراس ما نرسل بالأخبار نجاب = من نومسي ما يعقبنه مناديب
هذا وصلى الله على سيد الأصحاب = اللي بعث للناس شرق و تغاريب


.
جميع الحقوق محفوظة © 2016 الراوي – سالفة وقصيد.