قصيدة للشاعر متعب نافع الخطاط


قصيدة للشاعر متعب نافع الخطاط


قصائد لشعراء معاصرين مسنده على عبدالله بن دهيمش بن عبار


وقال الشاعر متعب بن نافع الخطاط هذه القصيدة يسند على عبدالله بن دهيمش بن عبار :

بديت بالمعبود من حين سميت = خلقه خلقها و من أرزاقه عطاها
يا واحد لك البشر حجة البيت = تدعيه عن نار توقد سناها
يا عالم في سر ما كان خفيت = تعلم أسرار العبد لو هو خفاها
يا معفي للعبد عن كل ما شيت = يا غافر لأم العباير خطاها
ياللي أعفيت أيوب من شر و أنجبت = عقب المرض نفسه و ليه عفاها
و بعد البطأ ليوسف على أبوه رديت = و جاه البشير اللي خطوطه قراها
من عقب ما هو مينس يحسبه ميت = أنجاه من بير طويل جباها
و من بعد ذلك لأحمر الجمس دنيت = وارد حفيزه و الدراهم سواها
جديد ما ركبوا عليه السرابيت = تو الجميح منزله في وطاها
يطوي بعيد القار و أن كان مديت = و إلى مشى الصحرا يطير حصاها
يعجبك كان أنك على البنص رصيت = كنه صاروخ و منطلق من سماها
عناه أبو سلطان و للجمس عنيت = و ملفاه أبو مشعل محاري مساها
يفرح اليا منك على الباب دقيت = كلمة هلا من اشمام تسمع نداها
يا سرع ما تسمع على طول حييت = من الرجال اللي لطيف نباها
يفوز و أن جو له هو اشيل للبيت = ما هو من اللي يتقي من وراها
ذباح حيل مسمنات إلى جيت = ما حسب الثروة و زايد نماها
يقلط على صينيته حايل العيت = يذبح جزيله لو تشدد غلاها
سلم له المكتوب كانك تقهويت = و صل بيوتي للمعنى يهجاها
نفخر بكم يالقرم من حين ما جيت و سويت جماله ما جنابي نساها
لتاريخنا يا القرم دونت و أحصيت = و أنا أذكر الله كيف فكرك حواها
تاريخ وايل جبتها حين ما أمليت = تاريخ وايل كل منا قراها
و من غيرها نشكرك يا طيب الصيت = على بيوت بالمثايل بداها
نمدحك ما نمدح رجال هتاهيت = اللي عن الطولات تقصر خطاها
وأرجو السومحة كان بالقيل زليت = و أن كان به غلطات مثلك رفاها
و ختامها على أفضل الخلق صليت = أعداد ما طاح المطر من سماها
على رسول ثبت الحق تثبيت = الناس عن طرق الفواحش نهاها


.
جميع الحقوق محفوظة © 2016 الراوي – سالفة وقصيد.