قصيدة للشاعر محمد أبو هاني الشرعبي


قصيدة للشاعر محمد أبو هاني الشرعبي


قصائد لشعراء معاصرين مسنده على عبدالله بن دهيمش بن عبار


وقال الشاعر محمد الشرعبي أبو هاني رحمه الله هذه القصيدة يثني على عبد الله بن عبار :

حي العزوم أبن العزوم الأوايل = وحي الفهيم الوايلي عالي الأذكار
هذاك أبن عبار وافي الخصايل = علمه كبير ونادي مثل الأزهار
عز الله أنه موفي حساب وايل = عالم بوايل مثل غواص الأبحار
يذكر أنساب القوم حسب الدلايل = متوارثه بطيب المعالي والأخبار
مشكور فعلك يا رفيع السلايل = يجزاك رب البيت سّواق الأمطار
عداك كل العيب عن كل مايل = المثلكم وافي الشمايل والأشبار
من عارضك نبغي يجيب البدايل = وقول بلا فعل رخيص ومهذار
عا قدر أهل الأفعال تأتي الفعايل = ولا الردي واللاش ما منه أثمار
أستاذ نظم ولا أنت يالقرم عايل = فيك الفهامة والبصيرة والأبصار
الشرعبي عالدوم عنكم يسايل = جيناك قصدٍ من بعيدات الأمصار
الشرعبي من بين ذيك الحمايل = يشكرك يالشغموم في بدع الأشعار
أستاذنا وأنته كثير الجمايل = يالقرم ما نوفيك حقك بالأسطار
فصلت من عناز كل القبايل = وعديتهم يالقرم في خمس الأقطار
عساك ترفل بالهنا والنفايل = في جاه من بالبيت صلى بالأسحار
وصلاة ربي عد برق المخايل = و أعداد ما ينزل من المزن مدرار
على رسول الله نال الكمايل = فيه الهدى وفيه الرشادة و الأنوار


.
جميع الحقوق محفوظة © 2016 الراوي – سالفة وقصيد.