قصيدة للشاعر محمد بن عبدالرحمن الحوشاني


قصيدة للشاعر محمد بن عبدالرحمن الحوشاني


قصائد لشعراء معاصرين مسنده على عبدالله بن دهيمش بن عبار


وهذه القصيدة قالها الشاعر محمد عبد الرحمن الحوشاني الصقري العنزي يسند على عبد الله بن دهيمش بن عبار العنزي :

عز الله أنك يا أبو مشعل وليده = فعلك يبرهن لي على طيب مجناك
ما هي غريبه منك ولا هي بعيده = المرجلة و الطيب بادناك و أقصاك
أشكرك أنا يالوايلي بالقصيده = حيث الحمية تعتبر من سجاياك
ماجور يا راعي الصفات الحميده = يا اللي بفعل الخير تمشي مطاياك
أخذت بالجوداء مزايا فريده = غير التواضع يشهد الضيف لاجاك
نفسك عزيزه و الردى ما تريده = عز وشهامة و الكرم من مزاياك
جاه و جاه ولك فضايل عديده = يستاهل التمجيد مثلك و شرواك
صميدع راسي وقلبك حديده = ما لان قلبك للزمن لو تحداك
بنيت بيوت العز قصور مشيده = صليب رأي و الصناديد مركاك
أنت الذي عصر الأوايل تعيده = اللي وهبك الطيب و العز مولاك
سجلت تاريخ الشرف للبديده = هذي لوايل تعتبر من هداياك
بذلت مجهود صعيب تعيده = هذا فخرك اللي كسبته بيمناك
يالوايلي زرعك تلاقي حصيده = قولت نعم لا حل ذكرك وطرياك
يا فزعت المظيوم نصره وعيده = عسى ولي البيت بالخير يجزاك
عسى حياتك يا أبو مشعل سعيده = أطلب من الله يا أبن عبار ياقاك
ترى الردي ماهوب والله فقيده = ولا أنت يا جعل المنايا تعداك
المدح بالرديان والله مكيده = ولا أنت حرٍ يرفع الراس ذكراك
وربعك حيود بالمعارك عنيده = تشهد لهم بالفعل ذولا وذولاك
يوم الحرايب والأمور الشديده = رجالهم ياطا على حوض الأدراك
أفعال مبطي ما هي توه جديده = يوم القبايل بينها إبليس محراك
يوم المغازي ما تهاب الوعيده = شاهدهم العربان أيضاً والأتراك
وايل تكيل الصاع صاع وتزيده = والكل منهم للصعيبات فكاك
أذكر فعل ربعي بشد النشيده = وأفخر بفعل اللي يسوي سواياك
أمجاد وايل ما حصيت اتعديده = قلته وأنا يالوايلي من دناياك
وبعض الخلايق ليت ربي يبيده = اللي من العالم خبيث ونماك
والهرج يكفي عن كثيره أكيده = وأرجوك تسمح زلتي لا عدمناك


.
جميع الحقوق محفوظة © 2016 الراوي – سالفة وقصيد.