قصيدة للشاعر مشعل قيقان الجبوري


قصيدة للشاعر مشعل قيقان الجبوري


قصائد لشعراء معاصرين مسنده على عبدالله بن دهيمش بن عبار


وقال الشاعر مشعل بن قيقان الجبوري هذه القصيدة يسند على عبد الله بن دهيمش بن عبار :

طالبك يا الله يا الرب الكريم = أنت ربي عالم و بالغيب داري
ترحم اللي من همومه مستهيم = صابر لوضع الزمن شي اجباري
صرت أنا و سلطان وحده لي نديم = بالمساكن جونا كله حضاري
حيث أنا بلعب الورق رجل غشيم = ما اتعلم له ولو طال أنتضاري
الوناسة يوم أنا بحي النظيم = جار للعبار و اربوعي اجواري
الأديب الشاعر الرجل الحكيم = مشتهر بين الملأ علمه اجهاري
يا أبو مشعل أنت رجال فهيم = وش تقول بحاجة فيها احتياري
من سبايب واحد ما هو سليم = مثل الأجرب يوم يعدي بالصحاري
و الختام اعداد ما هب النسيم = لك تحية عدد هبات الذواري


.
جميع الحقوق محفوظة © 2016 الراوي – سالفة وقصيد.