قصيدة للشاعر مطلق بن علي العنزي


قصيدة للشاعر مطلق بن علي العنزي


قصائد لشعراء معاصرين مسنده على عبدالله بن دهيمش بن عبار


وقال الشاعر مطلق بن علي بن صفوق العنزي هذه القصيدة يسند على عبد الله بن دهيمش بن عبار العنزي :

يا مل قلب تقل يطعن ابتار = بحد النصاب بثومة القلب هافي
بيد عديم وطالب يأخذ الثار = مروي حدود مصقلات الرهافي
قلب العنا كنه على واهج النار = ما فاد لو جابوا أسعاف و مطافي
جسمي كما الشنة على خالي الدار = يشبه لعشب الصيف صابه جفافي
غديت كني صاحب النار و الغار = من واهس في داخل القلب خافي
يعلم به اللي عالم غيب الأسرار = الواحد اللي للمخاليق شافي
أنا بلايه صابني نجل الأنظار = اللي هدبهن فوق الأوجان ضافي
سود الجدايل لونهن مثل الأقمار = هيف الخواصر ثم حمر الأشافي
قبلي ذكرهن السديري بالأشعار = و عنتر أبن شداد مروى الشلافي
عنتر و عبله حبهم سر و أجهار = و قيس و ليلى ثم شيمه أوافي
و نمرو عقاب الخيل دواس الأخطار = و أبن الخفاجي يشرب السم صافي
هذا جوابي و أشتكي لأبن عبار = اللي شرب من جم بحر القوافي
الشاعر المعروف بالشعر بيطار = سجلت توقيعي و هذا اعترافي


.
جميع الحقوق محفوظة © 2016 الراوي – سالفة وقصيد.