قصيدة للشاعر منصور بن نايف العنزي


قصيدة للشاعر منصور بن نايف العنزي


قصائد لشعراء معاصرين مسنده على عبدالله بن دهيمش بن عبار


وهذه القصيدة من شعر الشاعر منصور بن نايف العنزي يسند على عبد الله بن دهيمش بن عبار :

يا راكب اللي تعتلي من مطاره = طيارها ضاري مع الجو يقداه
جيبت على المطلوب ما هي تجاره = و كل اللغاوي قايد البونق يقراه
طيارها ما يختلف عن مسراه = يدل دربه بالغداري وينصاه
عبت وقوده و أقلعت للزياره = من القصيم مسافره صوب معناه
يم الرياض و من سكن في دياره = تلفي لأبو مشعل ويمه امنصاره
من فوقها المندوب يحمل اسراره = مرسول يم الوايلي لا عدمناه
ملفاك أبن عبار نمر النماره = عطه الرساله يالسنافي بيمناه
عطه جواب ما تقطف اثماره = تحية تهدا لمثله و شرواه
عبد الله اللي عز ضيفه و جاره = عز الرفيق ولابته سم لعداه
بفهمه و معروفه و عرف وشطاره = نطلب من المولى على الخير يقداه
و عنده على بدع المثايل مهاره = الله يفكه من حسوده و يحماه
علمه ضهر بالناس مثل المناره = و الطيب عدابه على راس مرقاه
من لابة بالكون مثل السعاره = عدوهم لا جوه سؤ البلاجاه
يا ما أركبوا عدوهم من خساره = يبي السلامة قال حقي ابلياه


.
جميع الحقوق محفوظة © 2016 الراوي – سالفة وقصيد.