قصيدة للشاعر نزال بن محمد الجعفري


قصيدة للشاعر نزال بن محمد الجعفري


قصائد لشعراء معاصرين مسنده على عبدالله بن دهيمش بن عبار


وهذه القصيدة للشاعر نزال محمد الجعفري العنزي يسند على عبد الله بن دهيمش بن عبار العنزي يقول :

يا الله يالمعبود يالرب الستير = من طلبك الستر يا الله تستره
أبتدي بك و ألتجي بك و أستجير = من عذابك يا وسيع المغفرة
يا ولي الكون ما غيرك نصير = من طلب نصرك يا ربي تنصره
لايذ بحماك من لفح السعير = بالنهار اللي يروع محشره
و بعد ذكرك يا عزيز ويا قدير = نبدع القاف الجديد و نصخره
أبتكر جزل القوافي ما أستعير = لعن أبو ثوب العريه ما اقشره
نقتبس صافيه و نكب الغثير = نترك اهزاله و ناخذ جوهره
من فوادي قادها سلك الحرير = لأبو مشعل بالسطور امسطره
تستحق المدح يا ريف القصير = لك معزة و أحترام و مقدره
من زحول تنطح الجمع الغفير = يوم بالميدان للخيل اغبره
والكرم جادوه بالوقت العسير = بالليالي والسنين المعسره
يا أبو مشعل جعل يفداك الحقير = خارب النية كثير الثرثره
قمت بالواجب جزاك الله خير = فعلك المشهود ما أحدٍ ينكره
التمسنا من فوايدك الكثير = كل جهودك يا أبو مشعل مثمره
كتبكم تاريخ للرجل البصير = بالحقايق والصحيح امطوره
في نسب عناز واصلت المسير = لين للويلان طلعت اشجره
يالعصامي يالقطامي يالشهير = أنت حرٍ بالطويله ماكره
ما يلومك غير وجعان الضمير = باهره فعلك وهو ما يقدره
أنت يا هداج جمك ما يغير = بالروي كل القبايل تذكره
مقصدي مدحك ولا أبي شي غير = مثلكم نطلع ثناه ونشكره
نفتخربك وأنت شاعرنا الكبير = سيفنا اللي للوازم نذخره
أبو مشعل ياخذ الشور ويشير = وياخذ الحكمة بعقله وأنظره
شاعر الويلان بالمعنا جدير = تنهل الشعّار من فيض ابحره
يوم دولاب المشاعر يستدير = خصمكم ينشب كلامه بنحره
ما تجاهل من يسب ويستثير = يردع المخطي ويلعن كوثره
يا بعد من حط سيفه بالجفير = لا نفع ربعه ولا فيه اثمره
والسموحة وأنت بالمعنا خبير = أن حصل تقصير منك المعذره
مبتداها ورد ينفح بالعبير = وآخر الموضوع مسك وعنبره
تمت وصلوا على الهادي البشير = هد سور الظلم و النور انشره
الرسول اللي لنا مرسل نذير = شيد التوحيد و الشرك اكسره


.
جميع الحقوق محفوظة © 2016 الراوي – سالفة وقصيد.