قصيدة محمد الزناتي التويجري


قصيدة محمد الزناتي التويجري
الراوي عبدالله بن دهيمش بن عبار


وهذه الأبيات من قصيدة طويلة للشاعر محمد بن عثمان بن صالح الزناتي التويجري العنزي قالها يتوجد على العمارات بعد رحيلهم من نجد و يقول بعض الرواة أن هذه القصيدة أرفقها الشيخ ماجد بن عريعر ضمن كتاب أرسله للشيخ مشعان بن هذال يخبره إن ديار العمارات القصيم نزلت من قبل بعض القبائل و يطلب منه الرجوع فيقول التويجري في قصيدته :

نجد تهضم بالبكا للعمارات = تبي الفزع من سربة أولاد وايل‏
وادي الرشا ينخى ويندب بالأصوات = يهل دمع مثل وبل المخايل
وقاعد بوسط القبر سوا الهوالات = من نزلت الأجناب شاف الهوايل
‏ أن ما حميتوا داركم سوقوا الشات = يسوقها اللي خاف من كل عايل
دقاق العلابي ما يجون المشيشات = ودخنة لابن هذال صدق صمايل
وبني السفر ما تنذكر حول أبانات = والشمري بجبال سلمى وحايل


.
جميع الحقوق محفوظة © 2016 الراوي – سالفة وقصيد.