قصيدة مطلق بن شنير الأميّر الخريصي


قصيدة مطلق بن شنير الأميّر الخريصي
الراوي عبدالله بن دهيمش بن عبار


أما الشاعر مطلق بن شنير الأمير فهو شاعر معروف بجودة الشعر ولم نعثر له ألا على هذه القصيدة يمدح الشيخ حاكم بن مهيد و أبن عربان و بعض فرسان قبيلة الفدعان فيقول :

يا راكب من عندنا فوق مشدود = رعاب ما يداني العصى لا اوميله
فوقه غلام يقصد الدرب مقصود = واشديده والميركة تستوي له
وصل سلامي ياعسى مانت مقرود = ملفاك بيت باللزم ينعني له
سلم على اللي عقب الركب بجرود = يا مشبع الجيعان بايق عميله
سلم على اللي لبسهم جوخ ماهود = وش وقعهم لا صار بوق وفشيله
يا فارس حاكم زلزلة وأنت بالود = تبي تحيّل مار فاتك بحيله
وأخوان قطنة كلهم ماكر فهود = رديهم يسوى خطات القبيله
تلقا الشحم والزاد بالبيت مرجود = ريف الضعافي بالسنين المحيله
نايف خصمكم عقب لط أبو حموّد = الشيخ قواد الجموع الثقيله
وتركي أبن حماد بالخص مفنود = عوق العديم إلى تزاود هبيله
تركي الحماد يخلي الطرش يبود = كم هجمة بالقيض يطوي صميله
يضرب بحد السيف صدق وماكود = ويروي حدود المرهفات الصقيله
ودرك وجديع طيبهم ماله حدود = وأبو دليّل شوق ضافي جديله
وأخو زهية مروي الجب والعود = الخيل من حسه تزاود جفيله
هم حربة الفدعان ورباعهم سود = يا ما وقع بنحورهم من غليله
صاحوا عليهم صيحة ما بها ردود = من ديرة المنخر لحد الجبيله
يا ذيب ياللي ساكن بفرع جلعود = أنا بشيرك كان دارك محيله
جت لك مزون ساقها برد وارعود = ورمت عليك من النعايم فضيله
أهل دغيما شارهين على الفود = فلوٍ محسن وأنطلق من شليله
شرهين والفدعان ما تقبل الزود = والهوش عند محرمات وعيله
من حد أم مدفع بحاوي ومردود = دز الياما تاصلون الجبيله


.
جميع الحقوق محفوظة © 2016 الراوي – سالفة وقصيد.