قصيدة من شعر فهد بن صبيح الرويلي


قصيدة من شعر فهد بن صبيح الرويلي
الراوي عبدالله بن دهيمش بن عبار


أما الشاعر فهد بن صبيح الرويلي فقد عثرنا له على هذه القصيدة يوصف أحد الوقعات ويذكر بطولة خلف بن زيد الشعلان الملقب (الأذن) :

العلم جانا فوق مصلوبة الكوع = علمٍ يسقي للضماير نقاوي
أخوان رفعه كل أبوهم على طوع = وعلى العقيد يعاقبون الأهاوي
ركض عليه ريف من يشكي الجوع = وخلا جواده تدهكه بالحذاوي
هو والفرس خلاه بالقاع كرسوع = وطاح العشا للعبد هو والفداوي
بشلف تقص الدرع والجلد وضلوع = لهن ثلاث كعوب بحد الرشاوي
وكم واحد من جنبه الرمح مشلوع = أعراش راسه جادعه للضراوي
واللي نجبته للعشا ذيب ميقوع = عزم على الفضلة ثمانين واوي
هذا توطنه وهذاك ممنوع = من حر ضرب معطبين الأهاوي
وخلف الأذن اللي على القوم قاطوع = يزود لا كثرت عليه البلاوي
وكم واحدٍ خلوه والراس مقطوع = عليه رويلات تزج الغناوي


.
جميع الحقوق محفوظة © 2016 الراوي – سالفة وقصيد.