قصيدة من شعر مليح بن مريبد الغضوري


قصيدة من شعر مليح بن مريبد الغضوري
الراوي عبدالله بن دهيمش بن عبار


هذه القصيدة للشاعر مليح بن مريبد الغضوري قالها يثني علي مشايخ عنزة ال هذال وبعض المشايخ ويحثهم على استرجاع ابله التي اخذت من قبل القوم فيقول :

يا راكب اللي ما ارزمت للمخاليل = من ساس شول من قلايع ركابه
سربه تروح بك بيوت الهذاليل = اهل رباع نايفات اقطابه
كنك على وادي عرابه من الكيل = شاف الخلاوي نارهم واقتدابه
برباعهم تلقا مناسف شحم حيل = بصحونهم لا جاء المسير لقابه
كزه لمحسن ومشعان ابن منديل = وزيد البداح وشافي والقرابه
ودغيم نطاح الوجيه المقابيل = لادبروا شفقين الرجال اتقابه
ناد الغبيني وازعج الصوت بالحيل = وغز اللوا في راس عالي هضابه
ولدهام دهام العدا بالمصاويل = قايد دواهيم دهوم عدابه
ان اعتلو من فوق قحص من الخيل = هملول صيف يوم يمطر سحابه
من فوقهم من صنع داوود تفصيل = يشدا نوار الديدحاني زهابه
جزاعة لا شافوا الحق به ميل = ما سايلوا عن نقص راس هفابه
ذودي غدا بين العدم والتهاويل = وان كان ردت يا عرب سد بابه
السيف ما يسطي ولو كان زلزيل = لا صار ما بالكف تقضب انصابه


.
جميع الحقوق محفوظة © 2016 الراوي – سالفة وقصيد.