قصيدة من نظم معيوف بن سعود العنزي


قصيدة من نظم معيوف بن سعود العنزي


قصائد لشعراء معاصرين مسنده على عبدالله بن دهيمش بن عبار


وقال معيوف بن سعود العنزي هذه القصيدة يسند على عبدالله بن دهيمش بن عبار :

كلام أبو مشعل يلذ استماعه = كنه ذهب مكفول عن صفر و نحاس
علمك ضهر ما بين كل الجماعة = ياللي علومك كلها ترفع الراس
جعل يفداك أهل الحسد و القطاعه = بعض العفون اللي هلابيج و خساس
بالقرم لا يزداد حملك ارداعه = كلن عطه حقه على وزن وقياس
طير السمرمد لا تغرك اطباعه = لا تقرب الأنذال خلك بنوماس
عرف الردي يالقرم مابه اطماعه = أفطن ترى مبناه ما هو على ساس
و الطيب بالطيب سوات الوداعه = و عند العفون الطيب تاليه الأفلاس
بينه و بين الطيب حاجز مناعه = شوفه يزيد الهم و الغم و أعماس
و اللاش لو أنه ضحك لك اخداعه = تراه بمتونك تقل موس كباس
لا تقربه حذراك لو ربع ساعه = دايم تعز النفس عن بعض الأنجاس
خله مهف مقيط يتبع اشراعه = يغوص بالجمه ولا يشوف الأرماس


.
جميع الحقوق محفوظة © 2016 الراوي – سالفة وقصيد.