قصيدة ميّاح اللوز السحيمي


قصيدة ميّاح اللوز السحيمي
الراوي عبدالله بن دهيمش بن عبار


وهذه القصيدة من الشعر المروبع قالها الشاعر مياح اللوز من السحيم من القمصة من السبعة يسند ويثني علي الشيخ فهد بن هذال شيخ مشايخ عنزة والشيخ بطين بن مرشد شيخ البطينات من السبعة والشيخ بركات ابن شتيوي شيخ السحيم من القمصة والشيخ صقر الشنتري شيخ المحلف من الموايقة وذلك بعد انتصار السبعة على اخصامهم في الزمان السابق حيث يقول :

يا راكب اللي لا مشي تقل بابور = يلفي لابن هذال بيته تقل سور
له ربعة تزمي مثل حيد ابا القور = بالخيزرانه صدع الحر تصديع
لا جيت بيت الشيخ نوخ قعودك = تراه يفرح يوم هبت اسعودك
له شف ان عز القرايب يسودك = شيخ فهيم ولا تخفاه المواضيع
لا جيت ابو متعب عنان الكميني = صينيته تلقا عليها السميني
يا شايل الحملات للعاجيزيني = على نظرك تطوع العوج تطويع
القوم جونا وصبحونا صباحي = ما هم بحال مخضبين الرماحي
ما دام ما معنا شرود اضياحي = ارخوا لهن يا كاربين المصاريع
يعجبك ضرب عيال عمك بالاجناب = اللي وطينا وقفت الضهر ما طاب
حنا خزمناهم مثل خزم كلاب = جبنا السبايا والقلايع تشاليع
يوم التقوا بالحرب ولد القماصي = من فوق حيل مكرمات عواصي
تقفوا اعداهم بضرب الرصاصي = يتلون بن مرشد بالاكوان صعصيع
وكان لكدت سربة رجال السحامين = يتلون بن شتيوي وللحرب ضارين
لا جو على الزرفات بالكون عجلين = عصب اعداهم يتركون المطاميع
والنعم ما ننسى عيال العبادات = من فوق طوعات سوات الاغاوات
يردون بالميدان والخيل عجلات = حمدت ربي يوم كتوا مع الريع
وكان الحسب ما ينكمي يالرفاقة = ماني من اللي يدورون اللقاقه
فزعت عشاير ما هي فزعت وساقة = قوم تشرع بالمغاتير تشريع
والنعم ما ننسى هل الخيل والجيش = ستر العذاري والعيال المداغيش
ربعي ان كانه صار بالجو تشويش = خضب يمانيهم رياد المداليع
اندب مدابيس الوغى فرس الخيل = بركات وصقر قروم مشاكيل
ايرزلون اللي يبي الذود ترزيل = كان اعتلوا من فوق قب مشاريع


.
جميع الحقوق محفوظة © 2016 الراوي – سالفة وقصيد.