قصيدتان للشاعر جريذي بن مناور العنزي


قصيدتان للشاعر جريذي بن مناور العنزي


قصائد لشعراء معاصرين مسنده على عبدالله بن دهيمش بن عبار


وقال الشاعر جريذي بن مناور الجبوري رحمه الله هذه القصيدة يسند على عبد الله بن دهيمش بن عبار و يثني على أسلاف حمولة ابن مهيد :

بديت بسم الله علام الأسرار = الواحد الماحود يمه زبنا
و كتبت خطي و أرسله لأبن عبار = و أرسلت له مرسول يمه امعنا
من لابة بالطيب مبطي لهم كار = عز الدخيل اللي زبنهم امجنا
زيزومهم جدعان بالموقف الحار = و اللي يلوذ بجيرته مرجهنا
شيخ كريم و بالمواجيب صبار = صوت بغالي الزاد صوته ايطنا
ذباح كوم النيب مع جل الأبكار = و هدف الغوارب عند بيته اتثنا
القدر يطبخ و الذبايح على النار = و عيش ضعيف الحال و اللي تونا
عز الأرامب يو م ضلن على الدار = وقال أفلحوا يوم الليالي عطنا
على حميس و كل الأيام بأيسار = و حتى القصاير بالعشا يبشرنا
و الجيش روح بالمسايير زوار = و أرقابها عوص الركايب اتحنا
تاريخهم بشبيح حكام و أمار = أهل بيوت بالعوالي زمنا
و عيون عيسى به بساتين و أثمار = و خونت الأيام ما مهلنا
سبحان رب بدل الدار بديار = و اليوم في دار المعزة سكنا
ونيت ونت تايه الفكر محتار = و حكي بلا معروف هرجه محنا
يا أبو مشعل ماني كذوب و مكار = و أنشد على قيقان مبطي بخنا
أنا سليل العود و أن صار ما صار = فرحت ضمير اللي بخيبر نخنا
جدي وشيوش هدته تجلي الأمرار = يوم أن خطو اللاش عنها يكنا
خيال خيبر يوم روغات الأفكار = وشيوش زبون الحرد ما فيه ظنا
و عيال وايل حاضرين على امهار = نعمين بالويلان حموا وطنا

وقال جريذي بن مناور أيضاً هذه القصيدة يسند على عبد الله بن دهيمش بن عبار و يثني على الشيخ الأدهم بن قعيشيش :

بيضاء لأبو باسل له الحق نديه = و البيض تزهى لكل من يمدحونه
الله يعزه كل ما حل طاريه = حلال للعسرات للي يجونه
الشيخ نسل الشيخ تبعد مساريه = و عيال وايل باللزم يزبنونه
جده على الشدات مبطي مضريه = زعيم مفدع يوم تزهى اضعونه
الفعل فعل دهام ما أحد يخفيه = شيخ عنيد ولابته يتبعونه
ربعه عيال الروم دايم تحاضيه = و عاداتهم جمع العدو يكسرونه
و أن جالت الخيلين سيفه يحنيه = يثني وراهم يوم عقد أردونه
و كلام أبن عبار قوله يزكيه = قافه ذهب نيرات ما يصنعونه
قصيد أبن عبار نفهم معانيه = قوله جميع أهل الشرف يشتهونه
يا أبو مشعل أن جاك قافي اتقديه = وأقبل سلامي عد هاطل مزونه


.
جميع الحقوق محفوظة © 2016 الراوي – سالفة وقصيد.