قصيدتان للشاعر سالم بن محمد الجعفري


قصيدتان للشاعر سالم بن محمد الجعفري


قصائد لشعراء معاصرين مسنده على عبدالله بن دهيمش بن عبار


وقال الشاعر سالم بن محمد الجعفري هذه القصيدة يسند على عبد الله بن دهيمش بن عبار العنزي :

بديت باللي كل مخلوق سايله = الواحد المعبود معطي جزايله
أطلبك يالمعبود يا عالم الخفا = يا واحد نرجيه ما أرجي بدايله
و من بعد ذكره هاض فيض القريحة = وبديت أسجل ما طرى من مثايله
أكتب بيوت لأبو مشعل جزيله = و أخاف من قولت ترى ذيك مايله
البارحة سهران و الجفن ما غفى = سهران لين الصبح دنى رحايله
وش رأي أبن عبار باللي جرالي = طول المدى والقلب هذي عمايله
صبرت لو ماني على الصبر مقتدر = أهرف هريف الذيب وأهذل هذايله
بأسباب ملهوف الحشا صرت حاير = عليه دمع العين تذرف همايله
غرو سلب قلبي و عقلي و مهجتي = الجادل المجموع ناقض جدايسله
اللي كما الدرة على شاطي البحر = و الخد براق لمع من مخايله
كم واحد مثلي من الوجد يشتكي = الهم و الهوجاس دايم يشايله
من بعد خله زاد همه و علته اللي كما الأدمي جفل من خمايله
صبرت أنا يا لقرم و أخفيت علتي = من خوف عدواني تولع فتايله
أهل السوالف و الدرى ماكر الردى = يضحك معك و الله عليم بدغايله
إلى هرج تقول نمر صميدع = الثعلبي يبهت نوادر حميله
أدفع بنفسي عن مقامه و عرفته = و الضب ضب وولا يفارق نثايله
أذكر هل الطولات وقت اللوازم = لا خانني وقتي و حميت قوايله
ربع تذري من يلوج بذراها = أفعالهم وقت اللزم دوم طايله
بينت لك يا القرم ما كان مختفي = سجلت في بيض الطلاحي رسايله
شكيت لك ياللي على الطيب قادر = يا اللي كما حرٍ جزال فعايله
أنت الذي فعلك وطيبك نعرفه = من لابةٍ بالكون تروي سلايله
من عقب وايل مرملين الحلايل = أهل الوفاء ضد الخصيم ونكايله
لا ثار عج الخيل تعرف افعالهم = المجد بالتاريخ حاشوا نفايله
وأنتم سلالتهم ونعرف افعالكم = والسيل كانه سال يضرب مسايله
هذا جوابي و أعتذر لك عن الخطأ = و إلى وصك الخط نبغي بدايله
عبرت لك عن كل شي بحاطري = والهرج يكفي عن كثيره قلايله
وصلاة ربي عد من طاف بالحرم = على الرسول اللي حميده خصايله

وقال أيضاً الشاعر سالم بن محمد العنزي هذه القصيدة يسند على عبد الله بن دهيمش بن عبار :

بديت بالمعبود خلاق الأبصار = منجي نبيه من سنا حر ناره
الواحد اللي عالم غيب الأسرار = اللي عزل ليل الدجى عن هاره
قال الذي بالقيل يبدي و يختار = يختار من جزل المعاني اثماره
بديت أميز من جزيلات الأشعار = و القاف بالمعنا يزين أختياره
يا راكب اللي كنه الريح و أن سار = جديد و معه رخصته وأستماره
جمس جديد تو بديه به اغبار = من مصنعه توه وصل للتجاره
وصل من الميناء مقدر بالأسعار = عن مصنعه ينبيك رمزه اشعاره
ملفاك شغموم الرجال أبن عبار = و إلى لفيت القرم عطه العباره
الوايلي ما بار كان الردي بار = من صلب وايل من نوادر حراره
اللي إلى جيته تلقاك بصخار = ما جيت يمه بس تذكر أذكاره
قرم على كل الملازيم صبار = و الطيب يأخذ به محل الصداره
و إلى لفيته نشده ويش الأخبار = بشر عن أحواله و خذ البشاره
الله يفكه من صواديف الأقدار = بجاه الولي علام خافي اسراره
قله رفيقك حاير الفكر محتار = مع هاجس يالقرم بالفكر داره
أرسلت لك مكتوب يا طيب الكار = ولا جان رد ولا لفيتوا زياره
ما جاء مرد الخط يالقرم وش صار = يا كاسب العليا بطيب و جباره
و ختامها صلوا على سيد الأبرار = عد النبات و عد ما اخضر بذاره


.
جميع الحقوق محفوظة © 2016 الراوي – سالفة وقصيد.