قصيدتان للشاعر عبد الله المشعان الخريصي


قصيدتان للشاعر عبد الله المشعان الخريصي


قصائد لشعراء معاصرين مسنده على عبدالله بن دهيمش بن عبار


قال الشاعر عبد الله بن مشعان الخريصي هذه القصيدة يسند على عبد الله بن دهيمش بن عبار :

لا ضاق بالي قمت أسوي قصيده = بسم الكريم اللي له الحمد مشكور
نرسل لأبن عبار بيوت جديده = من جم فيض بالضماير لهن فرور
سلام مني للمعنى نزيده = عبدالله اللي عنده القيل مصخور
قله تراني بالأحوال الزهيده = و الحر كفه يمة الصيد مكسور
هاك الكلام و سجله بالجريده = العوز يرمي بالعرب كل ممرور
و الخير من رب الخلايق و عيده = ولا ينجي من الوموت ميلان و قصور
العوز ما عذرب خطات الوليده = ولا الردي بين المخاليق محقور
و يا راكب اللي ما تمرن حديده = أسمه مع الهافات يا خليف مذكور
ملفاه أبو مشعل يفرح عضيده = زين النبا ما جاك من يمه قصور
و يمناه بلا يسرى تراها وحيده = هذا مثل مبطي مع الناس مشهور
واشبوحهم دايم تراها بعيده = و الله يكفانيا هل الحقد و اشرور

وقال الشاعر عبد الله بن مشعان الخريصي هذه الابيات أيضاً يسند على عبد الله بن دهيمش بن عبار :

يا الله ياللي دوم نرفع لك الصوت = أنت اللطيف اللي لعبدك أداوي
أنت الذي تحيي عبادك من الموت = و كلن بحكمك يالولي ما يلاوي
يا رب حبل الموت بالحلق مليوت = و كلن على ذبحت عدوه شفاوي
و من بعد ذكرك يالولي نكتب بيوت = لعبد الله العبار لي به هقاوي
قرم عرف بالناس عادات وسموت = و الهرج يفهم له جميع الملاوي


.
جميع الحقوق محفوظة © 2016 الراوي – سالفة وقصيد.