قصيدتان للشاعر محمد بن قعود الذريب


قصيدتان للشاعر محمد بن قعود الذريب


قصائد لشعراء معاصرين مسنده على عبدالله بن دهيمش بن عبار


وهذه القصيدة قالها محمد بن قعود العنزي يسند على عبد الله بن دهيمش بن عبار :

أبتدي بالله و محمد حبيبه = الرسول اللي على كل الأنامي
و أطلب الخلاق حلال الصعيبه = و أستخير الله عن كسب الأثامي
ووجودي وجد من فارق صحيبه = ساهر بالليل عينه ما تنامي
ولع بوسط الحشا مثل اللهيبه = ولعت بين الضماير له اضرامي
أشتكي للي رفيقه يعتني به = ما يضيع الجود من دونه محامي
المعنى بالفخر كلن دري به = المعنى الوايلي مابه تهامي
المعنى مصقل ما ينهوي به = شاعر الشعار مسموع الكلامي
أبو مشعل بالمكارم ينهقي به = و ارثينه من خوال و من عمامي
أبو مشعل شوق مجدول الذويبه = ما يطب اخدودها دق الوشامي

وقال أيضاً محمد بن قعود هذه القصيدة يسند على عبد الله بن دهيمش بن عبار :

هات القلم و أكتب على كيف ماريد = أبيات شعر من ضميري اجدادي
عدي مكتف و القوايم بها قيد = ولا ربيط صار عند الأعادي
وقتي رماني بالسهوم المواريد = جرح على جرح تشعب وزادي
ما كان جرحي من افواه البواريد = ولا هو بحد السيف يوم الطرادي
مار الزمن يأخذ علينا ملاكيد = يا ما اختلط بياضها و السوادي
هبيت يا وقت الغثا و المناكيد = نصيتني من جوف كل العبادي
كم ليلة مضيتها بالتناهيد = حتى تلف معلوق قلبي و بادي
أشكي في حوش الثناء و التحاميد = عز الصديق و ضد خطو المعادي
سباق في حوش الثناء و التحاميد = عز الصديق وضد خطو المعادي
بك نفتخر يا أبن المعنى بتوكيد = تعيش ياللي للسميه اتفادي
أشكي عليك الحال يا أبن الأجاويد = حيثك عزيز ولك مرامع بعادي
صبري غدا يا أبن المعنى سراميد = و أشكي على اللي يستمع للمنادي
و اهموم قلبي كل يوم به أتزيد = م كثرها ما تنحصي بالعدادي
ما قل دل و زبدة الهرج اللي ايفيد = راكان أبن حثلين قوله و كادي
يا رب لا تجعل حياتي تزاهيد = أنت الوحيد اللي عليه اعتمادي
تفكنا من شر ظلم الحواسيد = و تقبل دعانا يا وسيع المدادي
وصلاة ربي عد مزن الرواعيد = و أعداد ما رف القطا بالحمادي
على رسول حدد الدين تحديد = يهدي لدين الله و هو خير هادي


.
جميع الحقوق محفوظة © 2016 الراوي – سالفة وقصيد.