مقاطع من شعر الهجيني في مدح ثاني بن ضبيب


مقاطع من شعر الهجيني في مدح ثاني بن ضبيب
الراوي عبدالله بن دهيمش بن عبار


وهذه الأبيات من شعر الهجيني قالها حميد بن سودان بن جديع الربيع يثني على ثاني بن ضيب فيقول :

عزي للي جيشهم واني = راح أيتخطى على هونه ‏
راحوا هل الخيل شذاني = والجيش قاموا يردونه ‏
الغوش مزبانهم ثاني = في حزت الضيق ينخونه ‏
جلس مع الغوش وحداني = روحه على الموت مرهونه ‏
يصلها والعمر فاني = لعيون من تدعج عيونه ‏

وهذه الأبيات لرجل من المهيد يتوجد على ثاني بن عقلا بن ضبيب :‏

المدح يستاهله ثاني = اللي رمسها على ذبحه ‏
عوايده فكت العاني = على الفخر طايل شبحه ‏
وعوايده يلحق الواني = لو سار ليله على صبحه ‏
الضيف يقريه خرفاني = ما ينشد القرم عن ربحه
لا جيب طاريه بكاني = ودموع عيني تقل سبحه ‏

‏وهذه الأبيات قالها عكرش بن صياح الدوحا يتوجد على ثاني بن عقلا الضبيب فيقول :‏

عزالله أنه راح منا شفيه = عزي لكم من فقدته يالحناتيش ‏
ثاني زبون الحرد ملحق خويه = يبكن عليه منقضات العكاريش ‏
له مجلس عمال مثل الحنيه = يفرح به الضيفان عقب المطاريش ‏
والروح يوردها حياض المنيه = تلقاه باولهم إلى درهم الجيش ‏
ثاني ضهر بالمرجله والحميه = زيزوم ربعٍ يتبعونه مداغيش ‏


.
جميع الحقوق محفوظة © 2016 الراوي – سالفة وقصيد.