من شعر الشايش بن رمال الشمري


من شعر الشايش بن رمال الشمري
الراوي عبدالله بن دهيمش بن عبار


ومن شعر الفارس الشايش بن رمال الشمري هذه القصيدة الهجينية برواية عبد الله بن غافل الغبيني و لها قصة لا داعي لأيرادها يقول :

يقول الشايش كلام بان = علم يونس اليا جيبي ‏
علم تنهج به مع الغلمان = ومع البنات الرعابيبي ‏
أركب على الهجن يا سلمان = من فوق عوج المصاليبي ‏
أركب على طلقت الذعان = تقطع فياض عباعيبي ‏
من فوق شعيله تقل شيهان = تصبر لحامي اللواهيبي ‏
حمرا واعضوده كما البيبان = تفرح إلى قلت هجيبي ‏
سند عليها شعيب امعان = والدو ما جفل الذيبي ‏
تسري ومصباحها برزان = تلفي على منقع الطيبي ‏
تلقا الأمير بهاك الديوان = وقل يا قليل العذاريبي ‏
يا أمير يا مطوع العربان = ضربك على الراس تشطيبي ‏
يا أمير يا معيش العميان = واللي ثنا رجله العيبي ‏
قبل أمس في ديرتي فرحان = واليوم عند الأجانيبي ‏
جاني العديلي وابن بدران = وخذوا نياقي بلا طيبي ‏
وخلفهن حيل بهن جرسان = وضح زهن بالدباديبي ‏
وكانك على قضبنا شفقان = عندك حجاب ايقاضيبي ‏
تتليه علوه على شرهان = يبرالها تقل خطيبي ‏

وقال الشايش من قصيدة اخرى :‏

لي فاطرٍ روحت تومي = لقطع الفيافي مضريها ‏
أحفيت كتفه ابرجومي = من كثر ماني ملاحيها ‏
كم ليلة ما بها نومي = هذيك من أسعد لياليها ‏
الحر لا صار ما ايحومي = يزبن بعالي روابيها ‏
لا خذت حقي عن اللومي = دنياك مالي بتاليها ‏
والشوق لا جنه علومي = ما تخلي الهيس ياتيها


.
جميع الحقوق محفوظة © 2016 الراوي – سالفة وقصيد.