من شعر الشيخ نواف بن النوري الشعلان


من شعر الشيخ نواف بن النوري الشعلان
الراوي عبدالله بن دهيمش بن عبار


أما الشيخ نواف بن النوري بن شعلان حاكم الجوف سابقاً فمن قصائده هذه الأبيات في الغزل وهي تنسب لكنعان الطيار كما تنسب لبصري الوضيحي ولكنها للشيخ نواف يسند على أبو علي :‏

يا بو علي أشكي لك القلب ملكوش = يامن له الشكوى ترى القلب مختل
من العام لا مرسال لاعلم لا طروش = وهذا شهر شوال وقصّير زل
من أبو نهود كنهن طلع بطوش = يشادن لبيض الراعبيات وأشكل
الصدر في حنات الأرياح مرشوش = وقذيلته فوق الحجاجين تنهل
والبطن لا ديباج لا قطن منفوش = لا مرعزٍ ليان جلده ولا زل
ألين من الدهدار ما يداني النوش = اللي يرفعن الهبايب على التل‏
للي عيونه يكسن الخد برموش = سود مضاليل هدبهن تقل ضل
يا بنت من يثني إلى كمل الهوش = لا دوبحوا عوج المراكيض ما ذل

وقال الشيخ نواف أيضاً هذه الأبيات من قصيدة بالغزل :‏

يا من يوصل لي كلامي لخلي = الصاحب اللي ما يجيني ولا أجيه
ثمانها مثل البرد مستهلي = ومبيسم ما ينشبع من تحليه
زين الحلايا اللي كلامه يسلي = طال المدا مظنون عيني وأنا أرجيه

ومن قصيدة للشيخ نواف هذه الأبيات :‏

الرجل خفت عقب مشي الوقاعه = يا شوق يا ما بي من الصبر لولاك
صبري نفذ ما ضل عندي شجاعه = واللي ملاطف بالمعاليق ما جاك
يا زين عني غيبتك ربع ساعه = عده ثمان سنين ما شفت حلياك

وقال الشيخ نواف هذه الأبيات من الهجيني : ‏

أمشي كما يمشي المجنون = يا ناس ماني على كيفي
من أبو ثمان حالول مزون = والريق در المزاهيفي
ما ذقتهن هقوة وأظنون = هجس بقلبي وتوصيفي ‏

وقال أيضاً الشيخ نواف هذه الهجينية :‏

يا شوق عشقك درابه ناس = البدو والحضر داريني
يا الله دخيلك عن الأفلاس = أوداعتك لا تخليني ‏
ذبحتني يا طويل الراس = يا عود حور البساتيني
يا عين ريمية الأطعاس = والخد خام الدكاكيني


.
جميع الحقوق محفوظة © 2016 الراوي – سالفة وقصيد.