من شعر بنت ابن موزان الدوامي


من شعر بنت ابن موزان الدوامي
الراوي عبدالله بن دهيمش بن عبار


وقالت الشاعره بنت ابن موزان هذه الابيات من الهجيني تمدح الشيخ هزاع الفققي كبير الدوام من السبعة :

راكب اللي ما ظما ولا جاع = الهدس اللي طالع توه
اعجل من صفق الهوا لازاع = لا شغله واعلقوا ضوه
اسلم وسلم على هزاع = وانشد لنا الشيخ وش نوه
قولوا يروح علينا بساع = كان انه مشفق على جوه
ترى اللي بحقه ما هو بزاع = جماعته تعطى الخوه
الناس كلن مسك له قاع = وشرب المز اهيق بمروه

وقالت بنت ابن موزان توجد عاى منزل راح عندما رحل الشيخ هزاع الفققي وتجهز للمناخ بين قومه واحد القبايل :

الشيخ يوم انتحا وانزاح = عسى السعد والنصر فاله
نبي نوصف وصايف راح = وانمثل الجو با مثاله
الينه هو منزال المصلاح = يوم الدهر مفتضي باله
الذود يسرح بلا سراح = ومفلا الرباعي علجاله
زوده يبين على المصباح = هنيت اللي راح يهياله


.
جميع الحقوق محفوظة © 2016 الراوي – سالفة وقصيد.