من شعر جوفان الأظليم الدوامي


من شعر جوفان الأظليم الدوامي
الراوي عبدالله بن دهيمش بن عبار


ومن فرسان الدوام افارس الشاعر جوفان الاظليم الدوامي ومن مواقف جوفان في احد العزوات كان مقابلهم قوم وبهم فارس مشهور فصب عقيد الدوام فنجال الفارس وقال من يشرب فنجال فلان وكان على من يشرب فنجال الرجل لابد ان يقابله بالميدان ويكون احدهم مقتول لامحاله فتوقفوا الرجال عن شربه فشربه جوفان الاظليم ثم تلاقى هو والفارس وتمم مهمته وقال هذه القصيدة :

جاني فنجال من خيار الفناجيل = احلا من السكر يداوي الغليلي
نفجال قدموه ليه مشاكيل = لا جيت للديوان لازم يجيلي
ياما لحقنا ميتمين المخاليل = عاداتهم بالكون طوي الصميلي
جونا وجيناهم ولامن عواذيل = اليا ما غدا جدع الجنايز يهيلي
جانا صباح يرعب القلب وايهيل = تعوض الماخوذ قولت يا ويلي
وان كلت الحيلات قلت ادنوا الحيل = وانا صليب الشور قرم دليلي
من عنز الى عانه تقل طاقت تيل = ما عاد ذقنا النوم هو المقيلي
دوامات مروين الغلب والشناشيل = كم طلقوا من جادل من حليلي


.
جميع الحقوق محفوظة © 2016 الراوي – سالفة وقصيد.