من شعر خابور الموزان الدوامي


من شعر خابور الموزان الدوامي
الراوي عبدالله بن دهيمش بن عبار


اما الشاعر خابور الموزان من قبيلة الدوام فمن قصائده هذه القصيدة قالها بعد انتصار السبعة في احد المعارك على عسكر الروم يمجد بعض نوادر السبعة ويجيب من ساله عن تلك الموقعة وبعض الرواة ينسبها لناهي الدوامي :

الحمد لله صار لي ماتمنيت = يا من ينشدني ترى توي الفيت
يومين ماشي ما تريحت واغضبت = وثلاث ليلات من الجوع طاوي
يامن ينشد طارش الخيروش جاب = جاب العلوم وبثها وسط الاجناب
تغدي العماس علومنا يوم تناسب = مثل الدجا ينجال عن الخلاوي
عيني لها عن لذت النوم لاطوم = كله سبايب لابة تنطح القوم
ربعي عليهم موقف عسكر الروم = يبي القضا باللي مضي كيف ياوي
ربعي طنا قلب المعاند الى زام = اللي على كبده تطابيق ورادام
ما شاف عامر في زمانه وهدام = ولعد يشوف الطلح غادي عماوي
ايا ما ادبرن قدامنا قحص الامهار = واقفن بهم مثل الشياهين عبار
والكل منا باع في رخص الاعمار = واللي وقع ما بيننا بالف هاوي
تركي ابن وايل عديم الى قام = تزهي يمينه كزت الرمح قدام
ما هي سوالف مرسد عند حكام = دق العريني ما نعرف الشكاوي
عقيل اخو بندر سطام المناعير = وجروح زبن الوانية والمعاثير
يهوش دون معطفات المعاشير = زبن الهليب اللي من الجري ثاوي
وابو رمضان اليا عتدل كل منعاج = حلياه حر لابرق الريش عفاج
حر على خرب الحباري اليا راج = ضمضم بجنحانه عطيب الاهاوي
وخلف اخو نمشة بالاكوان لولاب = يوحش مناعير من الحرب هياب
حتى غدت مثل اللهب يوم ينقاب = في ليلله العواء على كوخ شاوي
وعقيل اخو بندر فنا الضد بسكات = تقول هذا بقلبه العلم ما بات
مثل القطامي يودع الريش زافات = صواب مخلابه يبذ المداوي
حر سبوقه مثمنات البواريد = بيدين قطيع العيال المواريد
حريبهم ما طاب نومه ولا يهيد = عينه تناجي جفنها من دعاوي
سوى عليهم ساعة تشده البال = وتلافتوا بيعونهم بس جهال
وردوا عليهم ردة تفنى الحال = وشروا وباعوا بالرخيص الغلاوي

وقال خابور الموزان الدوامي هذه القصيدة يتوجد علي الشيخ رمضان الفققي ويرثاه فيقول :

حمدان انت واذيتني بالمداواه = تنشد عن اللي ماضي له زماني
الله علي حمراء قحوم ملاقاه = وامشنشل بالكف عوده لياني
مع الدوام امتعبت كل معفاه = عاداتم رمي العزوم العناني
يا ما ارفعوهن مع خطات الزلوباه = يا ما حدروهن مع خطات الطماني
ربعي تتل الذود من ارس مفلاه = ماهو خفا لكن كشاف وبياني
وونتي ونين من تاه مسراه = مع البحر يضرب على سن باني
عليك يا اللي تعجب العين حلياه = مزبان ظيم وبالرضى معشراني


.
جميع الحقوق محفوظة © 2016 الراوي – سالفة وقصيد.