من شعر عمعوم العسكري الرويلي


من شعر عمعوم العسكري الرويلي
الراوي عبدالله بن دهيمش بن عبار


ومن شعر الشاعر الفارس عمعوم العسكري من العساكرة من الفوزان من الدغمان من الرولة هذه القصيدة رداً علة أبيات أبنه دغيم حيث طلب منه أن يتمنى لكي يعرف مقصده فقال دغيم يتمنى ذلول فيقول :

يا أبوي ووجدي على كور حره = بعيدة المرواح وأن دارت الورك ‏
تشرب حثاث من القلص ما تكره = وتضرم الياصارالركايب لهن عرك ‏
وتفر إلى ساقت مع الروض فره = فرت قطاة حركت بيضها حرك

وعندما سمع عمعوم أبيات أبنه دغيّم رد عليه يرغبه بالزواج ويحثه على ترك الدخان فيقول : ‏

يا اللي طلبك ومنوتك بس حره = بيني وبينك سامك العرش يقهرك ‏
تبي عليها دوم صوتك تجره = سلط عليك غليم ول ما اقشرك ‏
وتاخذ على كوره من العظم كره = حذراك يا دغيّم ترى التتن ينحرك ‏
لا تشربه وأحذر بردنك تصره = اللي عزاني يا فتى الجود صبّرك ‏
ما تطلب اللي مثل عود المدره = تفتن طواريد الهوا وأنت تسحرك ‏
وبيت كبير من زماله يمره = مشتوح كسره والمسايير تنحرك ‏
وذود كثير مثل نجوم المجره = متخالفات عيالهن وسطهن برك ‏
وبنت العبية من حليبه تبره = ومشنشل عود البلنزا على ابهرك ‏
ولا تطلب اللي لا حضر يوم شره = ربعك بحزت ساعة الضيق تنصرك
ربك أن كان أنه نوى لك مضره = لو كنت في روس الشواهيق حدرك
وربك اليامنه نوى لك مسره = حدرعليك سلوك الأسباب وأضهرك ‏


.
جميع الحقوق محفوظة © 2016 الراوي – سالفة وقصيد.