من شعر عياد المدغم الخمعلي


من شعر عياد المدغم الخمعلي
الراوي عبدالله بن دهيمش بن عبار


أما الشاعر عياد المدغم الخمعلي من الحداة من المنيع من الذيابة من الخماعلة فهو شاعر موهوب وغزير المعنا وقد كتب منديل الفهيد بعض قصائده ومن شعره هذه القصيدة يتوجد على جماعته عندما تفرقوا بالمنازل فيقول :

قاد النشير وقمت أميّز اعرابه = وتتابعن بالصدر مثل الدواليب
تصافقت بالصدر من حر مابه = وردن كما ورد القطا باللواهيب
رقي الرجم يا عمير ما فيه ثابه = والولف يخلع بالجزم شمخ النيب
من شوفتي للدار ينعق غرابه = ما باقي الا موقد النار وحطيب
يا دار يا دار الخطأ والخيابه = يا ماقع الحقران والمكر والعيب
طشيتي الخلان طش الكعابه = يا دار يا دار الخطأ وين أبو ذيب
والله يا لولا اللي بمحكم كتابه = لصيح من بين العرب وشلق الجيب
والله يالولا الخوف وادرى العتابه = لااتبع مظاهيره على الكره والطيب
من خلقت الدنيا ودور الصحابه = وتركيبت السنة على نوح وشعيب
ومن خلق ضلعانه وبثت ترابه = ما تأتي الرفقة بخرط وتلعيب
الا بشيمات العرب والحبابه = ورخص الحلال بحزته والمواجيب
واليا حصل مس الرشا وأكترابه = لقفيت واستسلمت نفسك عنه عيب
قلته على ما قال متعب اركابه = رايه يحل محكمات اللواليب

وقال الشاعر عياد المدغم هذه الأبيات يتوجد على الطير :

يالقلب ما تترك هوى الطير وتريح = الطير راح لماكره وأستراحي
ضاري لقطع رقاب بيض مدابيح = ما عاش في منة يدين اشحاحي
من عاش بالعليا جزأ سكنة الريح = الا ضعيف قاصرته المشاحي
كم شيخ قوم ضاري بالتصابيح = يا عمر عند الزود والنقص راحي

وقال عياد المدغم هذه القصيدة يتوجد على جاره أبو جملا من أهل قرية الغزالة في منطقة حايل فيقول :

أوي فنجال على الكبد ما أحلاك = أهل صبوبك عارفين قدارك
لو أن أبو جملا على أولك وأتلاك = عز الله أنه هو كمالك وكارك
يا ما ويا ما يا أبو جملا أنتظرناك = أبطيت عنا حيث طال انتظارك
أن غبت ليل قلت يا ليل ما أبطاك = وأن جاء نهار قلت ما أبطأ نهارك
لو بك شكيه كان حنا وصلناك = ولو أنت عاجز كان جينا لدارك
اللي تبيه وكل ما جيت حيّاك = عنده شرف قدرك وعنده وقارك
اللي إلى ضكك من الوقت ضكاك = أما عطاك الشور ولا أستشارك
هذاك عنه البعد لا بد ينحاك = يبعد نحاه ولا تجي له أخبارك
واللي عمى عينك وهزمك الياجاك = دايم يفرك مقعده عند نارك
في قعر بيتك وين ما ملت لاقاك = عينه وراك وكل ما أخملت عارك


.
جميع الحقوق محفوظة © 2016 الراوي – سالفة وقصيد.