من شعر معيان بن مزيد العوادي


من شعر معيان بن مزيد العوادي
الراوي عبدالله بن دهيمش بن عبار


ومن قصائد الهجيني من شعر معيان المزيد العوادي الفدعاني هذه الهجيني موجهها للشيخ مقحم بن مهيد يتوجد على ماضي عصرهم و يثني على السيد بن عربان و عفات بن عربان و الأمير و يسند على الشاعر خابور الشهيل الخريصي الفدعاني فيقول :

يا راكب اللي تكب الكور = ومن الكلايف مزهاتي ‏
وصل كلامي على خابور = القرم يفهم جواباتي ‏
نبي ندفعها لصليب الشور = يم أبو النوري معناتي ‏
الله قبل يا مضى له دور = يا زين دورٍ لهم فاتي ‏
يأتي سلفهم تقل صابور = الجيش والخيل زافاتي ‏
تأتي خدمهم مع المضهور = ويتنون متى السلف ياتي ‏
لمحلا فرقت المقهور = زودٍ على الدق خلفاتي ‏
وشعاد لو أن اهلها حضور = أن جت بالسيد وعفاتي ‏
وولد الأميّر غدا مزهور = ياخذ على الخيل نقلاتي
اللي صويب واللي مكسور = وكثير اللي باللقا ماتي ‏

وقال الشاعر معيان المزيد العوادي هذه القصيدة يثني على الشيخ عبيد ابن صالح بن غبين فيقول :

يا الله أني طالبك وقت المغيب = يا خلاق الروح وأنت أولابها ‏
يا عظيم الشان ما غيرك مجيب = يا علام النفس وأنت أدرابها ‏
المحازم لبسهن يالربع عيب = كان احقوق اربوعنا يغدابها ‏
يا حلوا ضرب المشوك بالصليب = في يمان اللي تعز اصحابها ‏
المزاوي كنهن مفراس ذيب = والعصايب تايه حسابها
جاك أبو فواز عنا ما يغيب = صاحب الديره يفك اخرابها ‏
لولا أبو فواز هي راحت نهيب = أحتمى من دونها وعيابها ‏
كنه السرحان وأن حل بعزيب = هجج الرعيان هي وكلابها
وأبو حسنا باللقا ضربه عطيب = جسر الجهال مع شيابها ‏
يوم ثار الهيج من بطن الشعيب = بالمعادي بينوا مضرابها ‏
يشدى حرٍ طالع الجول الخريب = كانه ضرب صيدته أدمابها ‏
تتعب الخفرات مثله ما تجيب = من حرارٍ رابيه يهقابها ‏

وقال الشاعر معيان العوادي هذه المقطوعة يمدح الشيخ عفتان بن شرقي أحد مشايخ قبيلة الدليم الزبيدية فيقول :

أطلب الله والخلايق يطلبونه = أن بغى يرزق فلا حي يرده ‏
كم عسير عندنا للرب هونه = وكم شعيب ربنا من السيل هده ‏
أرسل المنظوم للي يفهمونه = أبن شرقي شوق من زينه بخده ‏
بالكرم والهوش مبطي يمدحونه = والمراجل وارثه من دور جده ‏
من لفاهم من ضعيف يكرمونه = والمعادي عندهم سبع يلده


.
جميع الحقوق محفوظة © 2016 الراوي – سالفة وقصيد.