من شعر نويهي التمامي الجعفري


من شعر نويهي التمامي الجعفري
الراوي عبدالله بن دهيمش بن عبار


وهذه الابيات تنسب لنويهي بن تمام الجعفري يحث كبار الجماعه على التكاتف ونبذ الخلافات وهي من قصيدة لم نعثر عليها كاملة يقول :

وش علمكم صرتوا على الكبد قداد = صرتوا على من دور الفود مونه
البيت ما يشمخ بلا اطناب واوتاد = والشيخ بيده ما يشلع اسنونه
اشوف شيخان العرب شوفها ابعاد = والشق دايم بينهم يرقعونه
والناس كل الناس تشبع من الزاد = والمسمله يا شيوخنا تعلنونه
الشيخ ابن هذال ولا ابن مجلاد = ولا انت شيخ من ضنا عبيد دونه

وهذه الابيات من شعر الدحة لاحد شعراء ولد سليمان وينسبها بعض الرواة لنويهي التمامي يقول :

لا يا سمحين الاقبالي = ما مثل فعل العيالي = وردنا الفجر باللالي = جيناه بوقت امغزانا
لقينابه جرت وسيق = يوم ان عارضنا بالطريق = معنا خلف بلول الريق = على الطلايب هقوانا
ارقب خضير الكلابي = يوم اشرف راس المرقابي = شافونا بوقت الغيابي = والبل تندبنا وتنخانا
ركب اخو خلفه بشداده = والركضة دايم له عاده = واحلو رمي الركاده = سوينا والله هدانا
خلف القايم يهوشي = وندا بالهيه مدغوشي = افرغنا كل الاقفوشي = واللوم يعدا اخوينا
نعم بصبيح الشراري = الدخن يوم انه ثاري = الظلماء صارت نهاري = منا ومن رمي اقبلانا
حورفوا يبغون الرده = وركضنا ما نمشي كده = لعيون اللي يردع خده = غرو بهروجه سلانا
يوم لحقناهن وقفن = على عييلهن عطفن = ولديار اهلهن انكفن = يوم ان الهايب ما جاهن


.
جميع الحقوق محفوظة © 2016 الراوي – سالفة وقصيد.