على شاحنة ( المور )


على شاحنة ( المور )


صالح بن عبدالعزيز العديلي


يا لمور خذ خانة الخامس من اليمنى = تحتر تبرد ترى الأخلاق خربانه
والله لتبطي وحنا ما تفاهمنا = مدام ميقوع ما عقبت قلبانه
لا تشتكي الظلم حنا الوقت ظالمنا = ودليل ظلمي تراك تشوف برهانه
البارحة مع ثلاث أيام ما نمنا = مكينتك تشتغل والعين سهرانه
إن أدبرت شدنا يرخي محازمنا = نروي بدلو يضيع ماه شقانه
وننادي أقرب صديق ولا يكلمنا = يبين وسم الغضب تأطراف حجانه
واليا أقبلت خصمنا يقضي لوازمنا = صداقته تستحل بيوت عدوانه
وعز الله أنا من الدنيا تعلمنا = درس صعيب على التلميذ نسيانه
يا الله تجيب الرفيق اللي يعلمنا = أبنشده عن (ريب) وحال عربانه
لو كان في بيت جدانه محط أمنا = يا سع صورتي عليه فبيت جدانه
لو المدى البعد مرينا وسلمنا = مير البلاد شوفة الديان ديانه

معاناة الشاعر مع الدّين والدّيانة، وابتعاده عن بيته وأولاده، وغربته في طلب الرزق على شاحنة ( المور ) كانت هذه الرائعة .
عيد بن مربح


صالح العديلي


جميع الحقوق محفوظة © 2017 الراوي – سالفة وقصيد.