لعنبو ذا الزول يا وارد عراوي


لعنبو ذا الزول يا وارد عراوي


صالح بن عبدالعزيز العديلي


عسيكر الغنامي

لعنبو ذا الزول يا وارد عراوي = كيف غرزتي بنا وانتي جديده
الدروب محصود ما فيها ملاوي = والكفر نايلون والسايق وليدة
تطلبين اثنين والخط متساوي = جعل ما يبقى حديده مع حديده
الحمولة تيس والسواق ضاوي = والرفارف خوص والشاصي جريده
خاب ظن اللي هقا فيك الهقاوي = عقب حيرتي في مطاليبه بليده
وكل شيء يخلف القلب الهواوي = يوم مضنونه سكن دار بعيده
با تمنى ليتها لي بالمناوي = يختلط ما ها بزيته مع حديده
لين تعجز راعي الطب المداوي = لا بغى توضيبها تفجر وريده


صالح العديلي
حائل / المنتزه الشمالي
6 / 12 / 1238 هـ


جميع الحقوق محفوظة © 2017 الراوي – سالفة وقصيد.